Мицкoски: Нашиот народ е силен, не го скршија притисоци
Објавено во: Македонија 30 Септември, 2018
Лидерот на ВМРО-ДПМНЕ, Христијан Мицкоски изјави дека Договорот не доби „да“ од народот.
Според него, народот покажал патриотска свест и испратил гласна порака дека ова е Македонија.
„Нашиот народ е силен, не го скршија ниту притисоци, ниту јавувања на директори, а власта е тотално разобличена“ - вели Мицкоски.
Тој рече дека на нивни членови од СДСМ праќале пораки за да излезат да гласаат.
Oбвини дека во Сарај и Струга се полнеле кутии.
Рече дека Македонија ќе победи. Мицкоски вели дека ќе дојде ден кога ќе одговараат за тоа што се вршеле притисоци врз граѓаните.
„Народот освен на Договорот, кажа „не“ и на манипулацијата на власта“- вели Мицкоски.
Според него, стратешки интереси се НАТО и ЕУ, но народот има свои приоритети и перцепции. Утре вели остануваат реални проблеми на граѓаните, а власта според него го изгубила легитимитетот.