Мицкоски: Немав никакви средби со Џафери и Заев, ниту склучив задкулисен договор

Добивај вести на Viber

Мицкоски ги негира тврдењата на дел од медиумите кои пренесоа дека првиот опозиционер бил на координативна средба со претседателот на Собранието на Република Македонија Талат Џафери и дека истото го направил и Зоран Заев. Христијан Мицкоски денес ги прекина посетите на граѓаните на терен и се врати во Скопје поради итноста во Собранието со процедурата за носење на Законот за употреба на јазиците со кој ВМРО-ДПМНЕ не се согласува и бара да се разгледаат нивните поднесени амандмани за да се остранат сите уставни недостатоци.

„Во животот немам ниту една концесија, немам склучено ниту еден задкулисен договор, затоа што сум човек со чист образ и чест. Околу шпекулациите кои произлегоа, немав никаква средба ниту со Талат Џафери, ниту пак со Зоран Заев. Единствено бев Собранието на координација со пратеничката група на ВМРО-ДПМНЕ. Денес власта и парламентарното мнозинство прават атак врз демократијата, ја поништуваат волјата на граѓаните. Парламентарното мнозинство во Собранието спрема настан кој не јапочитува волјата на огромен број македонски граѓани, го крши Уставот, Деловникот, ова е директен удар на соживотот во Македонија, од кој ниту Албанците, ниту Македонците нема да имаат подобар живот. Само две партии што се договориле врз грбот на етничките заедници мислат дека имаат ќар. Но, државата и граѓаните не. ВМРО-ДПМНЕ е против ваквото сценарио, со чист разум, затоа што тоа е единствениот исправен чекор, затоа што јас и ВМРО-ДПМНЕ ќе останеме да ги штитиме интересите на граѓаните“, посочи Мицкоски.