Мицкоски објави на Фејсбук: Специјалци упаднаа во детски соби

Добивај вести на Viber

Лидерот на опозициската ВМРО-ДПМНЕ Христијан Мицкоски, на статус на „Фејсбук“ денеска открива дека минатата недела петнаесетина активисти на ВМРО-ДПМНЕ се вознемирени од упадот на специјалци со оружје кои проверувале во домовите на истите, напоменувајќи дека едниот од нив има три малолетни деца, и било претресувано и во нивната детска соба.

„На последниот протест пред владата само споменав, но денес пишувам подетално за работите кои не ги ветија, но ги остваруваат. Министерот за прогон и тортура Спасовски со политички контролираниот дел од полицијата (значи не оние чесни полицајци кои работат за плата,туку оние на кои им се делат политички задачи) минатата недела упаднаа во домовите на петнаесетина активисти и отворени поддржувачи на ВМРО-ДПМНЕ, значи не поранешни или актуелни функционери, туку обични, лојални членови на партијата, кои отворено застанаа против црното владеење на Заев и СДСМ незадоволни од она што се случува во нашата држава. Со специјалци, огнено оружје во домовите на честити луѓе, домаќини, но однеднаш за соседите, и согласно употребената полициска сила стануваат сомнителни поединци за кои има “сомнеж за антидржавно делување”. Еден од нив има три деца, а можете да замислите каков надреален трилер е само за неговите малолетни деца кога специјалци вооружани прават претрес во детската соба затоа што единствен грев на неговиот татко е што мисли поразлично од власта, другиот го задржале во полициска станица зошто имал чаура зачувана од неговата свадба пред повеќе од десетина години, другиот сомнително им изгледал, а тоа според полицијата на Спасовски е тешко кривично дело во обид“, напиша меѓудругото Мицкоски.