МИЦКОСКИ ПОСАКУВА УСПЕХ НА АЛБАНИЈА: Можеби еден ден нашите патишта повторно ќе се сретнат на траекторија кон EУ

Мицкоски денеска изјави дека уште кога бил во посета на Брисел било најавено дека најверојатно Албанија ќе ги почне преговорите и ќе се одвои од нашата држава, но нагласи дека тоа е лоша порака кон македонските граѓани, затоа што државата во, како што рече над дводецениски пат кон интеграција во ЕУ сторила многу работи, повеќе од која било кандидатка или актуелна членка, а кои најчесто немаат никаква врска со Копенхагенските критериуми.

„Ние сме единствениот случај во кој билатерални договори се услови во Преговарачка рамка. Жалам што претходната Влада егизбиционистички прифаќаше се, мафташе со европско знаме додека го ограбруваше сопствениот народ“, вели тој. 

Нагласи дека сегашната поставеност на работите во однос на нашето членство е диктат и оти тој својот став го пренел и на средбите во Брисел.

„За мене ова е диктат, ако е ова условот за Македонија да продолжи да преговара тогаш тоа го кажав и во Брисел – не благодарам, тоа не се европските вредности во кои мојата генерација се вљуби, а тоа се оние вредности, кои ги дефинирале Аденауер, Дегаспери и Шуман и затоа ја споделив идејата, ајде да разогвараме, немојте со диктат, не не условувајте со диктат, јас сакам да разговараме колку е потребно да најдеме решение, очигледно сега немаме решение“, нагласи Мицкоски.

Повторно се повика на принципот „Pacta sund servanda”, кој како што рече, ако важи за Преспнскиот договор, треба да важи и за Договорот за добрососедство со Бугарија.

Бугарите се закануваат дека Македонија треба да ги внесе Бугарите во Уставот или нема да продолжи по европскиот пат.  Претходно, Украина и Молдавија почнаа преговори со ЕУ. Во 2005 година Македонија доби статус кандидат. 

фото Фејсбук/Христијан Мицкоски