Мицкоски против бојкот: Му помагате на Заев
Објавено во: Македонија 15 Април, 2019
Христијан Мицкоски, лидерот на ВМРО-ДПМНЕ, на својот профил на Фејсбук посебно им се обрати на незадоволните граѓани кои не сакаат да гласаат на претседателските избори да не заговараат бојкот, бидејќи според него, таквото движење му оди во прилог на власта.
„Вие кои цврсто заговарате бојкот, знам дека имате многу причини и не велам дека за се не сте во право, но ви се обраќам искрено без ракавици, имате една причина да излезете да гласате, таа е Македонија. Бојкотот му помага само на Зоран Заев. Бесот нека не ви биде поголем од љубовта кон татковината, која знам дека длабоко во срцето ја носите. Гласајте, не поради мене, туку за вас и вашите семејства, гласајте за Македонија!“, напиша Мицкоски.
Засега кружат гласини во јавноста дека фракции во ВМРО-ДПМНЕ ќе прават притисок да се бојкотира вториот круг од претседателските избори доколку Гордана Силјановска Давкова има помалку гласови од Стево Пендаровски во првиот.