Мицкоски: Секој граѓанин да постапи според сопственото убедување
Објавено во: Македонија 11 Септември, 2018
Лидерот на ВМРО-ДПМНЕ, Христијан Мицкоски вечерва на прес-конференција соопшти дека по консултациите со граѓаните одлучиле секој граѓанин да постапи според сопственото убедување за гласањето на референдумот.
„Македонија ни е се, нема партиите да одлучуваат, ќе одлучува нацијата“- рече Мицкоски.
Тој изјави дека како партија се за членство во ЕУ и НАТО, но се силно против Договорот со Грција кој се коси со Уставот.
„ВМРО-ДПМНЕ е на страната на сите кои се против овој Договор на еден или на друг начин“- вели Мицкоски.
Лидерот на ВМРО-ДПМНЕ, вели дека за година и пол власта нема резултати, а воедно и германската канцеларка, Ангела Меркел напоменала дека има и други предуслови.
Македонија ја спореди со авион, кој го управуваат адолесценти, и од кого зависат многу животи.
Мицкоски изјави дека Заев хазардерски ветувал работи кои не може да ги исполни, а со тоа во тешка положба ги доведува според него државата, граѓаните и меѓународната заедница.
Вели дека треба да се биде свесен дека Владата ги срушила неповратно сите преговарачки позиции. Мицкоски рече дека Македонија е доведена во непријатна ситуација. Реча дека на патриотизам се гледа како на нешто лошо, и се врши „лов“ на јавно искажан збор.
На крајот Мицкоски рече дека е убеден дека Македонија е победи.