Мицкоски: Со амандмани неуставниот Закон за јазици ќе го направиме уставен
Објавено во: Македонија 09 Декември, 2019
Лидерот на опозициската ВМРО-ДПМНЕ, Христијан Мицкоски денеска најави дека ВМРО-ДПМНЕ ќе предложи амандмани, согласно со забелешките на Венецијанската комисија, со цел Законот за јазиците да стане усогласен со Уставот.
Според него, преку законот за јазици Зоран Заев сакал да ги прелаже Албанците и да добие глас повеќе. Тој вели дека Законот за употреба на јазиците е правна дивоградба.
„ВМРО-ДПМНЕ ќе поднесе амандмани на Законот за употреба на јазиците кои пред сѐ ќе ги содржат забелешките на Венецијанската комисија и ќе бидат во согласност со Уставот на Македонија. Еден неуставен закон да го направиме уставен, но духот на европските практики содржани во забелешките на Венецијанската комисија“, рече Мицкоски.