Мицкоски: Утре гледајте не со Горазд на телевизија, ќе добиете многу одговори
Објавено во: Македонија 28 Март, 2020
Христијан Мицкоски, лидерот на ВМРО-ДПМНЕ, ги повика граѓаните утре во 19.00 часот да ја гледаат емисијата „Трилинг“ на ТВ24 на Горазд Чомовски и дека така гледачите ќе ги добијат бараните одговори, по многуте нејаснотии за тоа како завршило интервјуто по објавената најава за истото.
Претседателот на најголемата опозициска партија, одговарајќи на новинарско прашање, на денешната прес-конференција ги демантира медиумите кои ги нарече провладини дека го напуштил интервјуто.
„ Она што беше дел од оние осум минути а е поврзано со едно интервјку со новинарот Чомовски. Утре да го гледат гледачите до крај и ќе добијат одговор на многу прашања. Лажни вести беа дека се прекинала емисија. Не сум го напуштил интервјуто. Навистина е предизвикувачки да се даде интервју, да се разговара со новинарот Чимовски. Никогаш не би ми паднало на памет да напуштам емисија. Тоа е единствен начин, прозорец, да ги соопштам ставовите на ВМРО-ДПМНЕ“, рече Мицкоски.
Запрашан за тоа дали ги осудува погрдните зборови на Стевчо Јакимовски, лидерот на ГРОМ, кон Чомовски на социјалните мрежи, рече дека е најдобро новинарите да го бараат одговорот преку изјава од поранешниот градоначалник на Карпош.