14 Ноември, 2019
0.0232

Мицкоски вели дека му е потребно двотретинско мнозинство за реформи

Објавено во: Македонија 08 Ноември, 2019

Христијан Мицкоски, лидерот на ВМРО-ДПМНЕ, во интервјуто за Вечерњи.хр вели дека на неговата партија ќе му биде потребна коалиција од двотретинско мнозинство за, како што вели тој, да ги спроведе потребните реформи кога ќе ја формира власта по предвремените парламентарни избори.

- Доколку ние не добиеме стабилно двотретинско мнозинство во Парламентот и мнозинство од претставниците на другите етнички заедници, се отвора можност за враќање чекор назад бидејќи ни престојат многу работа и реформи, вели Мицкоски без да наведе кои се тие одлуки за кои му е потребно двотретинско мнозинство.

Во интервјуто претседателот на најголемата опозициска партија вели дека премиерот Зоран Заев му дал аргумент на францускиот претседател Емануел Макрон да ги блокира македонските евроинтеграции и дека не смета оти ЕУ донела неправедна одлука за одложување на датумот за почетокот на преговорите со Македонија, бидејчи според него,.таа e последица на тригодишната катастрофална политика на премиерот.

Критикувајќи ја власта, меѓудругото, вели дека и „политичкиот притисок врз судиите и обвинителите“ влијаел на тоа Макрон да го спречи отворањето на преговорите.

„Нашиот концепт не е антиквизација и не е северизација на Македонија, туку е големо ДА за враќање на македонизмот во Македонија“ порачува Мицковски во интервјуто.

На ова реагираше СДСМ, коценувајќи ги како срамни коментарите дека Македонија заслужува да биде блокирана.

„Целиот европски демократски свет призна дека ЕУ направи историска грешка со тоа што Република Северна Македонија не доби датум за отпочнување на преговори. И додека сите светски лидери потенцираа дека нашата држава испорача сѐ што требаше да направи и спроведе реформи за да добие датум за преговори, Христијан Мицкоски во интервју за весникот Вечерњи лист испраќа порака дека „Макрон бил во право кога нѐ блокирал

Тоа е срамна и антидржавна изјава на Мицкоски. Тоа е понудата на Мицкоски за обнова на режим и враќање назад во темно минато, изолација, сиромаштија и неизвесна иднина. Со таква понуда на обнова на режим, криминал и враќање назад, Мицкоски и ВМРО-ДПМНЕ можат да се надеваат само на убедлив пораз на 12-ти април“, гласи реакцијата на владеачката партија.


Можеби ќе ве интересира

ФОКУС НА ДЕНОТ: Пратениците изгласаа повисок минималец, Мицотакис ветил дека ќе помогне за евроинтеграциите

ФОКУС НА ДЕНОТ: Пратениците изгласаа повисок минималец, Мицотакис ветил дека ќе помогне за евроинтеграциите

Мицотакис ќе помогне за да добиеме датум за преговори

Мицотакис ќе помогне за да добиеме датум за преговори

ЈOВЕСКИ ЗА БОКИ 13: Здравјето не е основ за укинување на притворот

ЈOВЕСКИ ЗА БОКИ 13: Здравјето не е основ за укинување на притворот

(ВИДЕО) ПОРАДИ ИСИС ЗАМИНАЛА ВО СИРИЈА: Бара помош од македонските власти за да се врати

(ВИДЕО) ПОРАДИ ИСИС ЗАМИНАЛА ВО СИРИЈА: Бара помош од македонските власти за да се врати

Не успеа иницијативата на Јанкулоска за разрешување на Кацарска

Не успеа иницијативата на Јанкулоска за разрешување на Кацарска

Децата со дијабет се боцкаат и 10 пати дневно: Филипче уверува дека ќе се обезбедат апарати

Децата со дијабет се боцкаат и 10 пати дневно: Филипче уверува дека ќе се обезбедат апарати

В петок протест против судии

В петок протест против судии

Заев: Ние сме земја која нема да воведе санкции против Русија

Заев: Ние сме земја која нема да воведе санкции против Русија

УТРИНСКИ ФОКУС: Заев во Солун, буџетот скроен

УТРИНСКИ ФОКУС: Заев во Солун, буџетот скроен