Мицкоски вели дека Османи треба да ги информира пратениците што се преговара со Бугарија
Објавено во: Македонија 29 Декември, 2021
Претседателот на ВМРО-ДПМНЕ, Христијан Мицкоски вели дека нема да поддржат штетен договор со Бугарија.
„5+1, 6-2, 12+3 или како сакате наречете ги тие иницијативи, тоа е парадата позади завесата, приличен јасен бев, стои документ кој што тие го нарекуваат Резолуција на бугарскиот парламент. Тоа е основата, тоа е суштината на проблемот. Овие инцијативи 5+1, 2+3, 3-1, ако сакате да бидеме наивни или да се правиме наивни тогаш да веруваме. Тоа е фолклор, суштината е позади завесата, тоа е Резолуцијата која ја имаат склопено во парламентот“, изјави Христијан Мицкоски во интервју за Македонско радио.
Мицкоски додаде би било добро министерот за надворешни работи да ги информира пратениците што се преговара со Бугарија, за да се реши спорот.