Мицкоски вели дека со изјавата на Петров ги почестивме Бугарите уште една отстапка
Објавено во: Македонија 30 Декември, 2021
Претседателот на ВМРО-ДПМНЕ Христијан Мицкоски вели дека со изјавата на членот на Извршниот одбор на СДСМ, Андреј Петров за вклучување на Бугарите во Уставот, ги почестивме нашите источни соседи со уште една отстапка без при тоа да имаме гаранција дека нешто ќе добиеме за возврат.
„Кажете ми кога ќе седнеме на маса да преговараме дали имаме загарантиран влез во Европската Унија, дали имаме загарантиран почеток на преговорите со ЕУ и со што тоа Бугарите заслужија ние да дадеме уште една ваква отстапка. Како изминува времето се повеќе отстапки даваме“, изјави Мицкоски.
Вели дека ваквата изјава претставува продолжување на, како што рече, „домат дипломатијата“, којашто ја гледавме четири години. Потсети дека за промена на Уставот се потребни две третини.