Мицкоски: ВМРО-ДПМНЕ не е против пописот
Објавено во: Македонија 10 Јуни, 2019
Претседателот на ВМРО-ДПМНЕ, Христијан Мицкоски, во вечерашното гостување во емисијата Топ тема на Телма изјави дека ВМРО-ДПМНЕ не е против пописот и ВМРО-ДПМНЕ не е против вистинска реална статистичка операција која практично ќе ја детерминира како ќе се развива Република Македонија во следните10-тина години.
Според Мицкоски не е можно да се носат закони во кои нема да учествува опозицијата, алудирајќи дека законот за попис воопшто не наликува на она што реално треба да се биде туку претставува една политичка трговија преку која Заев ќе мора да си ги исплати долговите.
Тој изјави дека е целосно недопустливо граѓаните да се попишуваат само со матичните броеви и да се отвори простор еден член на семејството да ги попишува сите други. Мицкоски посочи ваквото попишување на населението е резултат на политичкиот пазар кој како што вели го донел Зоран Заев на власт.