Мицкоски: Законот за јазици не е применлив, да го вратат на доработка
Објавено во: Македонија 20 Март, 2018
Претседателот на ВМРО-ДПМНЕ, Христијан Мицкоски, повторно побара формирање на работни групи за Законот за јазиците.
Тој апелираше до Владата да го повлече овој закон.
„Апелирам да го повлечат овој закон бидејќи сè уште нема потпис од страна на претседателот на државата. Што според нас значи дека сè уште не е применлив, односно не може да се смета дека е усвоен, да го повлечат, да го вратат на доработка, да формираме работни групи, тие работни групи да можат да се посветат целосно на овој закон, на неговиот квалитет да го направат уставен, а понатаму во една нормална редовна парламентарна процедура да донесеме законско решение кое што навистина ќе биде од корист на сите граѓани во Република Македонија“- рече Мицкоски.
Тој повтори дека законот е донесен со прекршување на Деловникот во Собранието и дека истиот е антиуставен и неприменлив. Mицкоски посочи дека младите се загрижени за нивната за бесперспективноста, немањето идеи, немањето проекти кои што ќе значат дополнителен квалитет во нивниот живот. Изразија жалење дека се поголем број нивни врсници ја напуштаат Македонија, го напуштаат Радовиш, посочи Мицкоски.