Мицотакис има важна порака за властите во Македонија
Објавено во: Балкан 11 Февруари, 2019
Претседателот на Нова демократија, Кирјакос Мицотакис повторно предупреди дека во рацете има моќна алатка за казнување на соседната земја доколку, како што изјави, бидат повредени националните интереси на Грција.
Тој се заканува со вето за нашата земја.
„Првото што ќе го направам и за кое јавно имам кажано е дека како следен премиер, доколку грчките граѓани ми дадат доверба, нема да го испуштам правото на Грција да стави вето на пристапниот процес на Скопје, доколку сметам дека не им служи на националните интереси“, вели тој.
За Мицотакис претставува голем проблем заштитата на брендот македонски. Тој вели дека допрва ке се води борба за заштита бизнисите и производите од Грција кои ја имаат придавката македонски, и кои, вели тој, се незаштитени.
Лидерот на Нова демократија рече дека претходно веќе постоел договор за Илинденска Македонија.
Во обраќањата на Мицотакис и од Кожани и од Јанина, како што вчера објави МИА, акцентот беше ставен токму на Договорот од Преспа што всушност се најде и на почетокот на неговите говори.