Мицотакис ќе има двојно повеќе пратеници од Ципрас - што ова ќе значи за Македонија?
Објавено во: Македонија, Балкан 15 Јуни, 2019
Анкета покажува дека претстојните избори во Грција ќе ги изгуби премиерот Алексис Ципрас.
Убедливо водство пред владејачката СИРИЗА има опозициската Нова демократија пред предвремените парламентарни избори во Грција кои ќе се одржат на 7 јули. Нова демократија на Киријакос Мицотакис води пред партијата на премерот Алексис Ципрас со 9,8 проценти. Изразено во парламентрани седишта разликата е уште поголема – НД би освоила 154 седишта, а СИРИЗА 75. Парламентот има вкупно 300 седишта, што значи Мицотакис би имал обезбедено мнозинство.
Анкетата на весникот „Прото тема“ покажува дека на трето место е КИНАЛ со 22 проектирани седишпта, комунистите ККЕ-15, Златна зора (неофашистичка партија) 12, колку што би освоила партијата на Јанис Варуфакис МПЕ25 – 12 седишта и Решение за Грција – 10.
Од ова може да се види дека Преспанскиот договор, како и некои други внатрешни прашања од политичката сцена го избришаа Панос Каменос и неговата АНЕЛ, како и Потами на Теодоракис, а сериозно го намали рејтингот на актулениот премиер и неговата партија (коалиција).
Мерена е и популарноста на лидерите. И тука води Мицотакис со рејтинг на одобрување од 44,8 проценти, втор е Димитрис Котсубас (генерален секретар на Комунистичката партија), 33,9, потоа е Ципрас со 32,2 и Варуфакис со 29,5.