Мицотакис контра амандманите - има начин договорот да не се ратификува
Објавено во: Балкан 06 Ноември, 2018
Лидерот на Нова демократија, Кирјакос Мицотакис, вели дека уставните измени се уште полоши од самиот договор, но и повтори дека неговата партија нема да гласа за ратификација на решението меѓу двете земји.
Според него, во скопското прашање, Договорот од Преспа континуирано го зголемува бројот на веќе завршените негативни факти, како што се чини од процесот на ревизија во соседната земја.
„Оние работи што се носат за ревизија во новиот Устав на Скопје се уште полоши од самиот Договор од Преспа. Односно да го кажам ова поедноставно: со нејзините одлуки, владата му дозволи на Скопје веќе да се подбива со Грција“, рече Мицотакис, јавува МИА.
Тој истакна дека Ципрас „се обврзал ратификацијата во Парламентот да биде пред изборите, стремејќи се кон некоја трампа”.
„Единствен начин, со сигурност, да не се ратификува овој договор е да се одржат национални избори пред да дојде во Парламентот. Но, очигледно е дека господинот Ципрас се обврзал скопското прашање да го помине во Парламентот, пред земјата да оди на избори и дека се стреми кон некаков вид на трампи. Едно е сигурно, не станува збор за трампи што ќе бидат во корист на земјата, туку за некои привремени политички бенефиции за кои господинот Ципрас има илузија дека ќе му служат нему и на неговата партија“, изјави претседателот на Нова демократија.
Мицотакис, во продолжение ја спомена и оставката на екс министерот за надворешни работи, Никос Коѕијас и уште еднаш праша зошто Ципрас не го објавува писмото од поранешниот министер за надворешни работи на Грција, како и записниците од владината седница која беше пресудна Коѕијас да ја напушти Владата.