Мицотакис објасни зошто не го сака споменикот „Воинот на коњ“

Добивај вести на Viber

Претседателот на грчката  Нова демократија, Кирјакос Мицотакис, не го сака споменикот „Воин на коњ“. 

Тој зборувајќи за дискусијата што се отвори во Грција за наводна размена на споменици, односно како што вели, „за наводна размена на споменик – симбол што воопшто не ѝ припаѓа на државата, туку на Општина Атина, со некој кич споменик на Александар Велики, доказ на фалсификувањето на историјата“.

„Некои сакаа да донесеме и да поставиме на местото на „Тркач“, споменик што го симболизира скопскиот иредентизам. Им велиме јасно: „Тркачот“ не оди никаде. Тие многу брзо ќе го фатат патот од власта, со ваша одлука, со пресуда од грчкиот народ“ – изјави Мицотакис.

Тој повтори дека Ципрас прифатил македонски јазик, македонски идентитет, „во суштина прифати македонска националност, македонска култура“, јави дописничката на МИА од Атина.

Од Владата деновиве информираа дека засега од Грција нема никаква иницијатива да се разменуваат споменици меѓу двете земји.

Во грчките медиуми претходно осамнаа наслови дека министерката за култура на Грција Мирсини Зорба, предложила споменикот „Воин на коњ“ да замине за Атина, а атинскиот „Тркач“ да пристигне во Скопје.