Мигранти вооружени до заби уапсени во Сараево
Објавено во: Балкан 24 Септември, 2018
Имигранти од Алжир и Сирија се уапсени во Сараево при полициската акција во која е откриено дека тие поседуваат и кријат поголемо количество оружје.
Министерството за внатрешни работи на округот Сараево ja потврди оваа информација.
Во соопштението од полицијата стои дека двајцата мигранти се притворени во неделата вечер. Тие сакале да ги избегнат полициските службеници кои дошле да ги легитимираат.
Полицијата потврди дека при претресот на станот што го користеле мигрантите, како и околниот простор, нашле оружје. Станува збор за единечна пушка, четири пиштоли, придушувачи и сто куршуми со различни дијаметри.
Локалните медиуми објавија дека дел од тоа оружје е пронајдено закопано во земјата.
Мигрантите со иницијали А. М. од Сирија и Д. А. од Алжир се испрашувани, а во истрагата е вклучена и Службата за работа со странци”, која дејствува во рамките на Министерството за безбедност на БиХ. Нив ќе им се суди.
15.000 мигранти од почетокот на оваа година поминале низ БиХ на пат кон богатите европски земји.
Неколку илјади останаа „заглавени“ откако Хрватска ги засили контролите на граница.