МИКРО И МАЛИ ПРЕТПРИЈАТИЈА: Бараме платите, здравственото и пензиско осигурување да бидат на товар на државата

Добивај вести на Viber

Од здружението на микро и мали претпријатија (трговија на мало, занаетчиски дејности, козметички салони, фризери) и сите останати кои што нудат сервисни услуги како и локални продавници на територијата на град Скопје, бараат помош и финансиски олеснувања од Владата. 

Велат дека дел од нив или работат со скратено работно време или воопшто не работат. 

„Голем дел од нас како компании директно ги чувствуваат штетите и од тие причини сме приморани дел од вработените или да ги отпуштиме или да ги оставиме без лични приходи. Приморани сме да ги затвориме објектите и фирмите поради отежнатиот увоз од надвор но и поради рестриктивните мерки. Поради настанатата ситуација во врска со Корона вирусот и одлуката на владата на РСМ за затворање сите трговски центри во државата ,ние како помали фирми од приватниот сектор  од кој поголем дел закупопримачи на деловни објекти, кој во моментот немаме никакви приходи, во овие тешки моменти за сите нас, објективно преку порталите и медиумите, без политичка позадина се обраќаме до владата на РСМ и бараме платите, здравственото и пензиско осигурување додека траат мерките да биде на товар на државата, државата да даде наредба на Управа за јавни приходи  да не ги блокира сметките на фирмите заради  неисплатени плати и данок, да ги замрзне ратите од  кредитите и плаќањето на тековните сметки како електрична енергија, вода, државата да ја плати или субвенционира  закупнинатa на закуподавачите. Сите овие мерки ги бараме се до престанокот на мерките за забрана на работа“, реагираат со соопштение. 

Бараат закуподавачите во меѓувреме да ги замрзнат наемнините.