Мила Царовска ќе предводи македонска делегација во Аушвиц
Објавено во: Македонија 27 Јануари, 2020
Вицепремиерката за економски прашања, Мила Царовска, отпатува во Полска, каде што денес попладне, ќе ја предводи македонската делегација и заедно со претставник на Еврејската заедница од нашата земја ќе присуствува на „Одбележување на 75 годишнината од ослободувањето на германскиот нацистички концентрационен логор Аушвиц-Биркенау“.
Инаку денеска светот го одбележува Меѓународниот ден на сеќавање на Холокаустот која ќе се одржи во свечената сала во Македонската академија на науките и уметностите (МАНУ).
На комеморацијата ќе присуствуваат голем број на членови на кралски семејства, претседатели, премиери, министри и други официјални лица од меѓународните организации и од држави од Европа и светот.
Официјалните активности поврзани со „Одбележувањето на 75 годишнината на ослободувањето на германскиот нацистички концентрационен логор Аушвиц-Биркенау ќе започнат со обраќањето на претседателот на Република Полска, Анджеј Дуда, по што следува и главното обраќање од преживеани лица од Аушвиц.