Милион за нови уставни судии, милион за возило на Финансиска полиција: Владата го промени буџетот за в година
Објавено во: Македонија 04 Декември, 2021
Владата ги усвоила денеска на седница дополнувањата на Предлог-буџетот за 2022 година, кои произлегоа од амандманската расправа во комисиите во Собранието. Прифатени биле 23 амандмани во вкупен износ од околу 382 милиони денари, соопштија оттаму по седницата.
Дополнително, на денешната седница на предлог на Министерството за финансии биле усвоени и други промени на предложението буџет за в година.
„Зголемување на средствата во Министерството за информатичко општество и администрација во износ од 250 милиони денари за реализација на програмските активности на Македонската радио телевизија; зголемување на средствата во Уставен суд во износ од 1 милион денари за избор на нови уставни судии; зголемување на средствата во Финансиска полиција во износ од 1 милион денари за преземени обврски за набавка на возило, како и некои други, стои во соопштението.
Со овие измени, дополнетиот Предлог-буџет за 2022 се враќа на усвојување на пленарна седница на Собранието.