Министерот за дијаспора тврди дека таа не е повеќе блиска со ВМРО-ДПМНЕ

Добивај вести на Viber

Министерот за дијаспора Едмонд Адеми вели дека опозициската ВМРО-ДПМНЕ денеска доживеала чист дебакл на организираната средба со дијаспората.

Тој на својот фејсбук профил објави и фотографии, кои, според него, тоа го докажуваат.

„Дијаспората навистина е значаен и нераздвоен дел од нашата држава, но не и за ВМРО-ДПМНЕ.

Партијата во стечај имаше на располагање повеќе од десет години да покаже конкретни политики со цел интензивирање на соработката помеѓу државата и дијаспората, но наместо тоа, дијаспората од страна на ДПМНЕ беше третирана исклучиво како пропагандна и политичка машинерија.

За жал на ДПМНЕ, а за среќа на државата, нашата дијаспора веќе го препознава тоа. Со празни зборови и ветувања повеќе не се добива довербата на дијаспората“, пишува адеми.

Според Адеми, дијаспората во изминатите две и пол години препознала драстична позитивна промена во процесот на соработка помеѓу државата и дијаспората.

„Нашата дијаспора ја препозна силната волја на СДСМ за интензивирање на соработката помеѓу државата и дијаспората. Нашата дијаспора го препозна систематскиот пристап кон дијаспората, преку понуда на конкретни мерки од значење за дијаспората. Токму затоа, оваа партија во стечај нема повеќе што да бара во дијаспората“, пишува Адеми.