МИСТЕРИЈА: Kaде е златото на СССР?
Објавено во: Економија 19 Јуни, 2019
Kaде е златото на Комунистичката партија на Советскиот сојуз е прашање кое веќе 30 години ја мачи јавноста во Русија и целиот свет.
Со распадот на СССР се создаде фама околу парите кои со децении се слевале во касата на Комунистичката партија на Советскиот сојуз. После неуспешниот пуч на едно крило на КПСС во 1991-ва година, полицијата упадна во трезорот на Централната банка каде пронајде „само“ 240 тони злато, иако Комунистичката партија располагала со далеку поголеми количини на злато.
Сомнежите ги подгреаа низата на самоубиства на комунистичките чиновници, па така за само еден месец тројца сметководители на партијата извршија самоубиство скокајќи од прозорите во зградите каде што живееле.
Според истражувањето на руската телевизија „Звезда“, веднаш по пучот имало неверојатна серија на самоубиства во Советскиот сојуз – во следните неколку месеци дури 1,746 партиски чиновници си го одзеле животот.
На почетокот на 90-тите министерот Јегор Гајдар ја ангажирал американската агенција „Крол“ која се занимавала со трагање по тајните сметки на највисоките светски лидери. Американската агенција требала да открие дали навистина Комунистичката партија на СССР располагала со огромни количини на злато.
Инаку, Комунистичката партија само од месечната членарина која чинела од 1,3% до 3% од платата на секој член на партијата, заработувала милиони долари секоја година, а исто така се продавала и литература која граѓаните практично морале да ја купуваат.
Партијата поседувала хотели, санаториуми и огромен број на административни згради, а се претпоставува дека партијата во тоа време годишно имала приход од 3 милиони долари, додека истовремено можела да земе пари и од државната каса. Кога државата се распаднала, парите се префрлени во странство преку мрежа на банки која СССР ја основале на Западот. Според пресметките на руска „Звезда“, од СССР после распадот излегле неверојатни три илјади милијарди долари.
Но, потоа истрагата сопрела, а извештајот исчезнал. Според руските медиуми, во извештајот се наоѓале имињата на бројни луѓе од Комунистичката партија кои ги распределиле парите, а против нив тој не се осудил да проговори.Можеби ќе ве интересира
ССМ НАЈАВИ ПРОТЕСТ ЗА 1 МАЈ: Бараат минималецот да изнесува најмалку 450 евра
„ДОЈЧЕ БАНК“ ГИ ИЗНЕНАДИ АНАЛИТИЧАРИТЕ: Ја објави нето добивката
НОВИ ПРОБЛЕМИ ЗА „БОИНГ“: ќе плати 443 милиони долари на авиокомпаниите за приземјувањето на авионите Max 9
ДАЛИ Е ОВА НАЈВИСОКАТА НЕТО ДИВИДЕНДА? Изнесува 35 евра за акција, а приносот е 7 отсто
Економската зона Ченгду-Чонгкинг е еден од главните мотори на идниот економски раст на Кина
САКАТЕ УСПЕХ ВО КАРИЕРАТА: Вмрежувајте се и ширете ги контактите
ПРОФИТОТ НА ТЕСЛА ПРЕПОЛОВЕН: компанијата ја губи трката од кинеските конкуренти
СВЕТСКИ ПОЗНАТА КОМПАНИЈА ТУЖИ АМЕРИКАНСКИ „ЏИН“: Им го украдоа заштитниот знак на моделите на спортска облека
„ПРИЛЕПСКА ПИВАРНИЦА“ ЌЕ ДЕЛИ ДИВИДЕНДА ОД ВКУПНО 714 ИЛЈАДИ ЕВРА - од пиво добро се живее во Македонија
