Мистериозна смрт на швајцарска дипломатка во Иран - паднала од 18 кат во зградата во која живеела
Објавено во: Свет 04 Мај, 2021
Дипломатка од швајцарската амбасада во Техеран е убиена во вторникот, откако паднала од висока зграда во која живеела на северот од градот, пренесоа иранските новински агенции.
Вработената во амбасадата имала 51 година, изјави портпарол на Службата за итни случаи, според полуофицијалната новинска агенција ИСНА.
Дипломатката која загина при пад од зграда во Иран беше првиот секретар на швајцарската амбасада, пренесува полуофицијалната новинска агенција Мехр.
Таа живеела на 18 кат во зградата.
Во ниту еден извештај нема информации за околностите на нејзината смрт.
Швајцарија ги претставува дипломатските интереси на САД во Иран откако Вашингтон и Техеран ги прекинаа врските непосредно по Исламската револуција во 1979 година.
Извор: Индекс.хр