Митревски: Нема да ни бидат расипани односите со ДУИ ако гласаат за законот за ЈО како што се договоривме

Добивај вести на Viber

Долго се работеше на ова законско решение за законот за јавно обвинителство, зад кое застанаа и нашите пријатели од САД и ЕУ. Пред граѓаните ветивме неселективна правда и ова е шанса тоа да го оствариме. Денешната седница е шанса да се види кој е за правда а кој за одбрана на криминалот, рече на прес конференција во Собранието координаторот на пратеничката група на СДСМ, Јован Митревски.

„Како одговорна партија и одговорно парламентарно мнозинство продолжуваме да работиме во интерес на граѓаните“, нагласи тој. 

Нивна цел е, вели тој, носење на законите пред распуштање на Собранието, а тоа е 16 февруари, како што кажа и Државната изборнса комисија. 

Прашан дали им се расипани односите со коалициониот партнер ДУИ, тој насгласи дека ако ДУИ гласаат за законот, односите нема да бидат расипани.

„Според тоа што слушнавте,  ДУИ тие настојуваат да се донесе законот за ЈО, што значи нема да има расипување на односите со ДУИ ако овој закон се донесе како што е договорено“, рече Митревски. 

Наведе многу закони кои ги блокира ВМРО-ДПМНЕ. 

Тој се надева дека ВМРО-ДПМНЕ, како што рече, ќе се надминат себе си и ќе предложат нов технички министер на местото на Рашела Мизрахи.

За Мила Царовска, која претходно беше министерка за труд и социјала, рече дека секогаш пресови држела пред таблата на која стои Северна Македонија, и тоа може да се види низ архивата, па затоа тука воопшто не станува збор за двојни стандарди.