Митрополит Гаврил: Актот за канонско единство со МПЦ испратен без да неведено име
Објавено во: Балкан 05 Јули, 2022
Ловчанскиот митрополит Гаврил за бугарскиот медиум БНР изјавил дека скорешниот предлог на Српската Црква, коментирајќи ја изјавата на претседателот Стево Пендаровски, е испратен без да се наведе името на МПЦ-ОА.
- На македонскиот претседател не му беше важно со каква радост и љубов го примаме решението за отстранувањето на шизмата, туку тоа што сме напишале нешто кое самата Српска Црква го предлага – да има дијалог за прецизирање на името. Самиот Српски патријарх го напиша тоа и тој не ги нарекува со никакво име. Тоа е вистината. Ништо политичко немаше во нашето решение, вели митрополитот Гаврил.
Eпископот Бачки Иринеј неодамна во текст објавен на грчкиот портал Ромфеа, а пренесен на црногорскиот медиум „Побједа” истакна дека СПЦ е неправедно обвинета за фаворизирање на името Македонска православна црква, иако не го користи во ниту еден од официјалните документи, туку ја охрабрува сестринската црква во Северна Македонија да го дефинира понатамошно именување и решението на проблемот во дијалог со грчките православни браќа и со останатите цркви.
-Згора на тоа, ние сме тажни секогаш кога нe обвинуваат дека не само што го користиме името Македонска православна црква, туку дури и дека го поттикнуваме, нагласуваме и го наметнуваме. Овие наводи и обвинувања воопшто не се точни, објаснува меѓу другото епископот Бачки во текстот за кој наведува дека е составен по налог и благослов на Светиот синод на СПЦ.