Млад тетовчанец скокнал во Вардар за да спаси 81 годишен човек, мисијата е успешна
Објавено во: Македонија 21 Ноември, 2020
Стар дедо од 81 година паднал во Вардар, но го извадил и практично му го спасил животот млад тетовчанец кој вршел тука градежни работи.
Снаата на стариот човек потврдила дека тој имал здравствени проблеми.
Еве како дословно настанот го опиша Министерството за внатрешни работи.
„На 20.11.2020 во 14.32 часот во СВР Скопје било пријавено дека позади хотел на мост во изградба на подрачјето на Аеродорм, од водите на реката Вардар бил изваден Б.М.(81) од Скопје. Полициски службеници од СВР Скопје излегле на место на настанот и по извршен разговор со С.С.(27) од Тетово, тој појаснил дека, додека извршувал градежни работи на мостот, го забележал Б.М. во водите на Вардар, по што влегол во реката и го извадил. Од лекар од Итна медицинска помош бил извршен преглед и било констатирано дека Б.М. е во добра состојба, по што бил вратен во неговиот дом, каде од неговата снаа М.А.(45) од Скопје било појаснето дека Б.М. имал здравствени проблеми и без нивно знаење го напуштил домот“, се вели во соопштението од Полицијата.