28 Март, 2024
0.0333

Млекото во маркетите преку ноќ драстично поскапе, кој ќе ги заштити граѓаните

Објавено во: Економија 06 Мај, 2022

Добивај вести на Viber

Драстичен раст на цените на млекото во тетрапак низ продавниците забележуваат граѓаните, кои алармираат дека цената достигнува и до 70 денари за литар млеко. Поскапувањето како што кажуваат читатели на „Фактор“ е забележано во повеќе маркети во главниот град, а како што потенцираат биле фрапирани од големите разлики во цените за само еден ден.

-  Секој ден купуваме тетрапак трајно млеко од еден литар, најмногу за домашни потреби, и тоа низ некој од поголемите маркети во Скопје. Во средата што да видам, сите млека беа значително поскапени, дури и за дваесет денари, можеби некои помалку од 20 денари, но битно сите беа поскапени, од домашните, до турските, српските и хрватските производи, без оглед на масленоста. Ако до вчера цената на млекото беше 55 денари, сега цената на литар тетрапак ја платив 68 денари, ова беше голем шок за нас – вели Кузман Атанасов од Скопје.

Тој не е единствениот кој забележал зголемување на цените на млеката, напротив за оваа состојба алармираат голем број граѓани, кои велат неопходно е млекото како основен производ да се заштити од енормниот раст на цените.

Она што може да се забележи со еден брз преглед на летоците за промоции на поголемиот број ланци на маркети е дека недостасува понуда на млекото, иако досега млекото било меѓу редовните производи кои биле дел од промотивните понуди.

Упатените укажуваат оти растот во малопродажба не може да се должи на раст на цената на млекото купено од фармерите, бидејќи откупот на сурово млеко од фармерите и понатаму се прави по исти цени, од 11 до 18 денари за литар млеко.

-  Иако растат трошоците на фармерите бидејќи цените на ѓубривата им се значително зголемени, сепак, цената по која се откупува млекото од фармерите е иста. Зависно од количините кои ги обезбедуваат фармерите, млекото им се откупува по цени почнувајќи од 11 денари за литар. Растот на цените во малопродажба не се должи на зголемени трошоци за откуп на млеко. Дали удел имаат зголемените трошоци за нафта, струја или други трошоци не би коментирал, но сметам дека растот не е оправдан и државата треба да преземе контролни механизми за да се стопира вртоглавиот раст оти ова мошне негативно ќе влијае врз грѓаните – вели еден советник за земјоделство кој инсистираше на анонимнот.

Тој дополни дека ваквото поскапување е удар за сите граѓани, бидејќи се зголемуваат трошоците за граѓаните за основни производи, а значителниот раст на цените на млекото му наликува на воено профитерство.

Податоците на Државниот завод за статистика за цените на проиводите во малопродажба покажуваат дека во месец март годинава сме имале просечна цена за литар млеко од 56,54 денари, но се забележува дека од град во град има големи разлики. Најскапа цена за литар трајно млеко во тетрапак со масленост 3,2 отсто било забележано во Битола и тоа од 58,24 денари, додека најниска цена била забележана во Велес од 54,49 денари. Во Скопје просечната цена во месец март била 56,65 денари. 

Петранка Огнаноска

Можеби ќе ве интересира

ВЛЕГЛЕ ВО КАНЦЕЛАРИЈАТА НА GOOGLE ВРЕДНА ДВЕ МИЛИЈАРДИ ДОЛАРИ - „баш е таква каква што ја замислувавме, право одморалиште“

ВЛЕГЛЕ ВО КАНЦЕЛАРИЈАТА НА GOOGLE ВРЕДНА ДВЕ МИЛИЈАРДИ ДОЛАРИ - „баш е таква каква што ја замислувавме, право одморалиште“

ЦЕНТРАЛНОЕВРОПСКИ ДОГОВОР ЗА СЛОБОДНА ТРГОВИЈА - ДОПОЛНИТЕЛЕН ПРОТОКОЛ 6 - еве кои се предностите

ЦЕНТРАЛНОЕВРОПСКИ ДОГОВОР ЗА СЛОБОДНА ТРГОВИЈА - ДОПОЛНИТЕЛЕН ПРОТОКОЛ 6 - еве кои се предностите

Битиќи: Во 2025 работна недела од 7 часа дневно во одредени сектори

Битиќи: Во 2025 работна недела од 7 часа дневно во одредени сектори

МАКЕДОНСКИТЕ ЧОКОЛАДИ САМО МАЛКУ ПОВКУСНИ ЗА СТРАНЦИТЕ - како „Европа“ профитираше со 600 илјади евра и дали е тоа добар резултат

МАКЕДОНСКИТЕ ЧОКОЛАДИ САМО МАЛКУ ПОВКУСНИ ЗА СТРАНЦИТЕ - како „Европа“ профитираше со 600 илјади евра и дали е тоа добар резултат

Новите газди го вратија стариот сјај! Како „Скопски пазар“ ќе направи над 10 милиони евра приходи?

Новите газди го вратија стариот сјај! Како „Скопски пазар“ ќе направи над 10 милиони евра приходи?

Просечна плата во АЕК надминува 1.000 евра

Просечна плата во АЕК надминува 1.000 евра

НИНГБО – СТОТИЦИ ИЛЈАДИ КОНТЕЈНЕРИ, СТОТИЦИ ИЛЈАДИ ТОНИ СТОКА: Оттука па низ целиот свет, вака се поврзува Кина

НИНГБО – СТОТИЦИ ИЛЈАДИ КОНТЕЈНЕРИ, СТОТИЦИ ИЛЈАДИ ТОНИ СТОКА: Оттука па низ целиот свет, вака се поврзува Кина

КАКАОТО СЕ ПРЕТВОРИ ВО НАЈСЈАЈНА ЅВЕЗДА НА ПАЗАРОТ - на берзите се плаќа речиси по 10.000 долари за тон

КАКАОТО СЕ ПРЕТВОРИ ВО НАЈСЈАЈНА ЅВЕЗДА НА ПАЗАРОТ - на берзите се плаќа речиси по 10.000 долари за тон

ВОЛВО СТАВА КРАЈ НА ЕДНА ДОЛГА ИСТОРИЈА - им кажаа збогум на „дизелашите“

ВОЛВО СТАВА КРАЈ НА ЕДНА ДОЛГА ИСТОРИЈА - им кажаа збогум на „дизелашите“