МНР бара одговор што правел српски агент во Собранието
Објавено во: Македонија 25 Мај, 2017
МНР побара средба со амбасадорката на Србија Душанка Дивјак-Томиќ за да даде објаснување за присуството на советникот во амбасадата и припадник на БИА Горан Живаљевиќ во македонскиот парламент за време на нападот на 27 април.
„Македонија во овој случај ќе се однесува согласно Виенската конвенција, а тоа значи дека овој случај може да резултира и со протерување од земјата на српскиот дипломат“, велат од МНР.
Српскиот дипломат го потврди присуството во Собранието на 27 април, но рече дека бил службено за да утврди дали во инцидентот учествувале лица од Србија, навивачи или екстремисти.
За случајот е запознаен и српскиот премиер и иден претседател Вучиќ кој смета дека Живаљевиќ не сторил никакво кривично дело, не бил дел од организација на протестите, туку само известувал за настаните.