МНР уште го чека Авганистан
Објавено во: Македонија 07 Август, 2018
Македонското МНР се уште нема добиено официјална информација од властите во Авганистан за убиството на македонскиот работнмик Илија Мерџановски од Љубанци, кој заедно со уште двајца колеги беше киднапиран и усмртен на втори август.
37 годишниот заминал со желба да обезбеди средства за да го продолжи приватниот бизнис во родното село. И претходно работел во Авганистан, но ова било неговото последно патување.
Од МНР велат дека информациите што ќе ги добијат, ќе ги проследат на домашното МВР за понатамошно постапување.
Македонскиот државјанин работел како готвач во француската компанија за кетеринг „Содексо“.
Локалната полиција настанот го води како терористички напад, но до сега ниедна група не преземала одговорност за нападот.