Мобилниот на возачот на „Дурмо турс“ оди на вештачење
Објавено во: Македонија 15 Февруари, 2019
Мобилниот телефон на возачот на „Дурмо Турс“ е предаден во Обвинителството.
Обвинителството денеска го доби на вештачење мобилниот телефон на возачот на автобусот на „Дурмо Турс“, кој е пуштен на домашно лекување.
„Се испитуваат листинзите, кога последен пат разговарал по телефонот и дали користел интернет во работното време“, информираат од обвинителството.
Возачот беше на разговор во полицијата, а анализите од крв и урина покажаа нема присуство на алкохол и дрога.