МОДНИОТ ГИГАНТ ГО ОДВРЗА ЌЕСЕТО: Во каков бизнис влегува „Луј Витон“
Објавено во: Економија 14 Декември, 2018
Француската модна куќа „Luj Viton Moe Henesi“ ја купува луксузната хотелска групација „Belmond“.
Со договорот вредноста на компанијата е проценета на 3,2 милијарди долари.
Од „Luj Viton Moe Henesi“ е соопштено дека се согласиле да платат 25 долари по акција на „Belmond“ , што е премија од 40 отсто во одно на цената од вчерашното затворање на берзата, пренесува Ројтерс.
Трансакцијата која би требало да биде заклучена во првата половина на 2019 година, вредноста на компанијата „Belmond“, вклучувајќи го и долгот е процената на 3,2 милијарди долари.
Таа комапнија поседува или управува со 46 луксузни хотели, ресторани, но и бродови за крстарење по реките во Европа и Азија.
Заработката на компанијата пред каматата, данокот, депрецијација и амортизација изнесувала 140 милиони долари за година дена заклучно со 30 септември 2018 година , а приходите достигнале 572 милиони долари.