14 Јули, 2020
0.0396

МОНСТРУМОТ ШТО ЈА ПОТРЕСЕ СРБИЈА - под силно полициско обезбедување почнува судењето на Малчанскиот берберин

Објавено во: Балкан 29 Мај, 2020

Нинослав Јовановиќ, попознат како Малчанскиот берберин, беше изведен пред Вишиот суд во Ниш денес со силни безбедносни мерки, јавува Курир.рс и пренесува ексклузивни фотографии од стартот на судењето. 

Тој беше спроведен од притворското одделение на почетокот на судењето, за киднапирање на малолетната М.К., во колона составена од 4 полициски комбиња, за да не се знае каде е Јовановиќ.

Кога го доведоа, зградата на судот беше испразнета, затоа што надлежните се плашеа за неговата безбедност, со оглед на гневот на јавноста што го предизвика со своите злосторства.

Истрагата против Јовановиќ беше спроведена заради кривични дела киднапирање и силување на дете. Овие кривични дела се казнуваат со затвор од најмалку 10 години или доживотен затвор.

Според неофицијалните информации, Јовановиќ ги негирал обвиненијата во обвинението, т.е. тој негирал дека ја злоупотребил девојката на начинот опишан во обвинението.

Родителите на киднапираната девојка имаат право да бидат присутни на судењето, во својство на повредени страни, а јавноста ќе биде исклучена од судењето сè додека не се објави пресудата, со оглед на природата на кривичното дело обвинето против Јовановиќ и фактот дека неговата жртва е дете.

Јовановиќ беше уапсен на 5 јануари, на гробиштата во неговото родно село, по претресот што траеше 17 дена.

Дванаесетгодишната М.К. од Суводол, Малчанскиот берберин ја киднапираше на пат кон училиштето, а потоа ја скрил девојката најпрво кај Малча, а потоа и во напуштени куќи во селата околу Свргаљ и Књажевац. 

Откако мештаните од селото Орешац во Књажевац го препознале, Јовановиќ и киднапираната девојка стигнале до Пасјача, родното село на неговата мајка само неколку километри оддалеченост од Малча.

Таму се криеше во куќа каде никој не живееше, но за среќа, на 29 декември сопственикот и неговиот син дојдоа да ја обиколат куќата и го забележаа.

Јовановиќ успеа да избега, но не ја однесе девојката со себе, која веднаш беше згрижена на Клиниката за детска хирургија на Клиничкиот центар Ниш.

До 5 јануари, Јовановиќ успеа да ја избегне потерата, каква што, како што пишуваат медиумите, никогаш порано не била организирана во Србија, а тој бил уапсен на селските гробишта во Малча, откако постар брачен пар од тоа село пријавил дека тој се моткал во нивниот двор. 

Поради слилувања кои и претходно ги вршел, Јовановиќ бил осудуван на 10 и 12 и пол години затвор. Пред две години, тој беше осуден на пет месеци затвор за сексуално малтретирање на малолетничка преку Фејсбук, а бил на слобода од март минатата година.

фото: Курир.рс

Можеби ќе ве интересира

Во Дубровник двојно поевтино од лани, но туристи нема

Во Дубровник двојно поевтино од лани, но туристи нема

Од вторник: Во Унгарија ќе можат Кинези, но не и Македонци

Од вторник: Во Унгарија ќе можат Кинези, но не и Македонци

Вработени двајца имами за Аја Софија

Вработени двајца имами за Аја Софија

ЕПИДЕМИЈАТА И ВО СРБИЈА НЕ СТИВНУВА - нови 287 заразени и 11 починати

ЕПИДЕМИЈАТА И ВО СРБИЈА НЕ СТИВНУВА - нови 287 заразени и 11 починати

ДУРИ И ЗА ТАНЧЕРКИТЕ ИМА ПРОТОКОЛ, СТАРИТЕ ДА НЕ СЕ КАНАТ НА СОБИРИ - Хрватска од утре со нови построги мерки за заштита

ДУРИ И ЗА ТАНЧЕРКИТЕ ИМА ПРОТОКОЛ, СТАРИТЕ ДА НЕ СЕ КАНАТ НА СОБИРИ - Хрватска од утре со нови построги мерки за заштита

СТРАВИЧНА НЕСРЕЌА: Јахта со која управувал малолетник преполовила чамец, загина млада девојка

СТРАВИЧНА НЕСРЕЌА: Јахта со која управувал малолетник преполовила чамец, загина млада девојка

Во Грција само 41 новозаразени, од кои 11 се туристи

Во Грција само 41 новозаразени, од кои 11 се туристи

Во Србија 130 болни од корона се на респиратпри, денеска 345 нови случаи

Во Србија 130 болни од корона се на респиратпри, денеска 345 нови случаи

ЧЕКАМЕ ЕДЕН ПАЦИЕНТ ДА ЗАМИНЕ, МЕНУВАМЕ ПОСТЕЛНИНА И ВЕДНАШ ПРИМАМЕ НОВ - во Србија нема место за болните

ЧЕКАМЕ ЕДЕН ПАЦИЕНТ ДА ЗАМИНЕ, МЕНУВАМЕ ПОСТЕЛНИНА И ВЕДНАШ ПРИМАМЕ НОВ - во Србија нема место за болните