Монструзен чин во Хрватска: Татко си ги фрлил четирите деца низ прозор
Објавено во: Балкан 28 Февруари, 2019
Хрватска утрово ја потресе незапаметен чин - татко ги фрли низ прозор од семејниот дом во Паг, четирите деца. Станува збор за деца на возраст од 3, 5, 7 и 8 години, а според информации од хрватските медиуми две деца се тешко повредени, за другите две не се потврдува каква е состојбата.
Нивниот 54 годишен татко ги фрлил од висина од шест метри. Медумите јавуваат дека станува збор за проблематично семејство. Во Паг се доселиле од Вировитица а соседите коментирале дека и порано имале проблеми.
Се дознава дека додека го сторил грозоморното дело, во домот била и мајката на децата.
Со свои реакции се јавија властите во Хрватска. Премиерот Пленковиќ рекол на седница на Влада дека е згрозен од овој чин.