Морбилите ја затворија хирургија во Струга
Објавено во: Македонија 22 Мај, 2019
Половина година откако земјава се бори со заразната болест мали сипаници.
Од почетокот на епидемијата која беше прогласена првично само во главниот град, па пред четириесетина дена прогласена и на цела територија на Македонија, не стивнува. На неделно ниво се регистрираат околу 100 заболени низ центрите за јавно здравје во државата.
Во моментов и половина од хирурзите и медицинските сестри во хируршкото одделение се заразиле со морбили. Поради тоа, комисијата на интерхоспитални инфекции одлучила овој дел од болницата да се затвори десет дена.
Пациентите кои треба да се оперираат се препраќаат или во болницата во Охрид, или на скопските клиники, бидејќи во наредните десет дена одделението ќе биде под клуч поради морбилите.
На почетокот од епидемијата повеќе заболуваа деца, сега поголем број на пациенти со морбили се лица над 30 години.
Здравствените власти редовно апелираат да се вакцинираат децата, но и повозрасните кои не се вакцинирани или имаат примано само една доза од МРП вакцината, бидејќи не постои друг начин за заштита од оваа заразна болест.