Mozzart купи потпишана слика од репрезентацијата во хуманитарни цели за малиот Јаков

Добивај вести на Viber

Хуманитарната аукција е успешно завршена, за лечење на малиот Јаков одат 2.000 евра.

Mozzart се приклучи на хуманитарната аукција за помош на малиот Јаков и ја купи сликата со Македонските фудбалски репрезентативци и нивните потписи. Почетната цена на аукцијата беше 1.000 евра, а компанија Mozzart го дуплираше износот кој ќе се донира во хуманитарни цели.

На сликата ги има фудбалерите на Македонија заедно со селекторот кои беа дел од Европското првенство. Станува збор за дигитален принт на платно, векторска илустрација во рамка која е единствен примерок.

Аукцијата која траеше 24 часа преку Твитер профилот ја спроведе креаторот на сликата Бобан Алексовски, а завршена е утрово, кога понудата на компанија Mozzart е прогласена за највисока.

„На учество во аукцијата се одлучивме првенствено поради тоа што е од хуманитарен карактер, со желба да ја разбудиме општествената одговорност кај поединците, компаниите и организациите. Mozzart веќе долги години помага на многу организации и установи, онаму каде што е најмногу потребно.  Се приклучивме на лицитацијата со желба не само да го зголемиме износот за малиот Јаков, туку и да ја зголемиме свеста за тоа колку е потребно сите да бидеме единствени и со заеднички сили да даваме континуирана поддршка на вакви акции.“ – изјавија од менаџментот на Mozzart.

Малиот Јаков на само 2 години мораше да помине низ 2 тешки операции за два пати да му биде отстранет тумор, при што мораше да го изгуби и едниот бубрег. Јаков мора итно да замине во странство за да го продолжи своето лекување, а поради тоа потребни се повеќе финансиски средства. Вклучете се и донирајте на следнава жиро сметка: Стопанска Банка – 20000 148 174 0176 – Елена Јанакиев, IBAN – MK0720000 387 639 2077 (SWIFT Cod – STOBMK2X).