Мртви бебиња најдени во кутија во болница
Објавено во: Свет 18 Септември, 2018
Во Кенија се најдени мртви бебиња во кутија.
Гувернерот Мајк Сонко ненајавено ја посети болницата во главниот град на земјата, при што се најдени телата на 12 бебиња, скриени во картонски кутии. Се смета дека тоа е последица на медицинска негрижа.
Лекарот и уште двајца вработени во родилиштето во источниот дел на Најроби се суспендирани, соопшти гувернерот преку „Твитер“, каде што исто така објави видео од посетата на болницата.
По пристигнувањето, гувернерот открил дека родилиштето работело без гинеколог и акушер затоа што лекарот кој требало да биде на работа не се појавил. Персоналот ја признал смртта на само едно дете, а гувернерот и неговиот тим ги пронајдоа телата на 12 новороденчиња.
Кениските болници често се во вестите поради негрижа и пропусти во работата. Претходно годинава лекарите во една болница во Кенија извршија операција на мозокот на погрешен пациент. Во некои од болниците, исто така, се појавија обвинувања за силување.