МУ ЈА ОТСТАПИЛ НА СИНОТ СВОЈАТА КВОТА КИСЛОРОД И ПОЧИНАЛ - еве на што бил принуден Украинец болен од ковид
Објавено во: Свет 19 Ноември, 2020
Пациент заболен од ковид 19 во Украина ja отстапил својата ограниченa квота на кислородна поддршка на својот син, кој исто така бил заразен со коронавирусот, по што починал.
За оваа трагедија преку социјалните мрежи информираше една волонтерка која им помага на хоспитализираните пациенти.
Волонтерката Дана Јароваја објави дека болниците во Киевската област немаат доволно кислородни концентратори за пациентите со ковид 19. Поради тоа, на пациентите со тешка форма на болеста им е ограничено да дишат кислород 15 минути во денот.
Таа додава дека не ѝ е познато дали синот на починатиот во вторникот продолжува да го добива „татковото следување“ од кислород.
Од почетокот на пандемијата на коронавирусот Украина вкупно потврдила 536.857 случаи на заразата, од кои 10.681 случај во текот на средата, досега оздравеле 241.444 пациенти, а евидентирани се 9.603 смртни случаи поврзани со Covid-19.