Му се слоши на таткото на Боки 13 на денешното судење, интервенираше брзата помош
Објавено во: Македонија 21 Јули, 2020
Поради пад на здравствената состојба на таткото на Бојан Јовановски, Миле Јовановски, судењето за „Меѓународен сојуз“ беше прекинато 30 минути, а истовремено интервенираше и брзата помош.
Ваквата ситуација следуваше откако обвинителката Вилма Рускоска за таткото на Боки 13 рече дека ги прел парите од „Меѓународне сојуз“ со позајмица од 226.550 евра која ја префрлил на ‘БМЈ груп’, додека „човекот од 1991 година е невработен“.
Обвинетиот реагираше кога судијката Ефремова-Гаврилова го праша дали разбира зошто е обвинет и тогаш тој се обрати кон Рускоска.
– Не го разбирам обвинението и не знам зошто сум обвинет. На 63 години ме правите криминалец. Не дозволувам да кажете дека од 91-ва година сум невработен, се изјасни Јовановски.
Денеска е давање на воведни зборови за предметот, во кој обвинети се Бојан Јовановски, Фросина Ременски, Јасна Мандиќ, Кристина Блажевска и Миле Јовановски.