Мухамед Зекири по заканата од реисот Сулејман Реџепи: Криминалецот, криминалец останува
Објавено во: Македонија 09 Април, 2020
Мухамед Зекири, потпретседателот на СДСМ, му порача на реисот Сулејман Реџепи дека, како што вели тој, си останува и понатаму криминалец, откако поглаварот на Исламската верска заедница и се закани на Владата дека ќе ги повика верниците масовно да се молат во верските објекти доколку не ја добие помошта.
„Овој РЕЗИЛ место да помогне на граѓаните кои имаат потреба во ова време на криза бара државата него да го помогне... ццц
Криминалецот криминалец останува друго не може да биде!!!
Мрш...“, напиша Зекири на Фејсбук.
Сулејман Реџепи упати закана до вицепремиерот Бујар Османи и до владата дека ќе ги повлечат претходните повици за заштита од пандемијата ако на ИВЗ не и биде одобрена помош.
– Ќе пуштиме пак барање, ако не ни одговорат знаеме како да ги потсетиме. Зошто не дај Боже ако ги повлечеме нашите повици за пандемијата… рече Реџепи во гостување на емисија на верска организација.