МУХАМЕД ЗЕКИРИ СО ПОРАКА ДО ДУИ: Ќе одите во опозиција
Објавено во: Македонија 09 Јули, 2020
Пратеникот од СДСМ, Мухамед Зекири, денеска на фејсбук излезе со порака до нивниот досегашен партнер во Владата, Демократската унија за интеграција, порачувајќи им дека ќе заминат во опозиција.
Тој на фејсбук ја објафи фортографијата на својот партиски лидер, Зоран Заев, од една средба со граѓаните, која за многумина од партиските функционери на СДСМ претходно беше оценета како „моќна“, нагласувајќи дека Заев ќе биде премиер, а ДУИ ќе замине во опозиција.
„И Зоран Заев ќе биде ПРЕМИЕР!!!
И ДУИ ќе оди во опозиција!!!“, напиша Зекири на Фејсбук.
Вонредните парламентарни избори ќе се одржат на 15 јули, и по нив точно ќе се знае кои партии ќе ја формираат Владата, а кои ќе бидат принудени да бги живеат опозиционерските денови во наредните четири години.
Мухамед Зекири, пратеник од редовите на СДСМ, за целиот период додека неговата партија ја практикуваше власта заедно со ДУИ, не го криеше својот анимозитет кон интегративците, и не се воздржуваше кога за тоа ќе почувствуваше потреба, да упати жестоки критики на нивна сметка.