МВР бара кој од кочанската болница му се јавил на синот дека неговата жива мајка е почината

Добивај вести на Viber

МВР ќе ја истражува информацијата од Општата болница во Кочани од каде што прво на Благојче Дончев му било кажано дека неговата мајка е почината и да организира погреб, по што се испоставило дека жената е сепак жива.  Полицијата истражува кој од болницата му се јавил на Дончев и му го превртел животот наопаку.

Во попладне поради сериозни здравствени проблеми таа била однесена во кочанската Општа болница, ачленовите на нејзиното семејство добиле известување за случајот по што почнале подготовки за погреб, но кога со погребен оператор отишле да го подигнат телото на жената дознале дека таа е жива.

-Мојата 58-годишна мајка има прележано два мозочни удари и поради влошување на здравствената состојба побаравме итна медицинска помош, по што ја однесоа во болницата. Вечерта ни јавија дека починала, поради што ги известивме роднините и пријателите, купивме погребна опрема, обезбедивме гробно место и испечативме некролози. Утредента кога отидовме да ја земеме од болницата ни рекоа да почекаме додека најдат на кое одделение починала. Ја најдовме на интерно, но нè известија дека е жива, истакна синот Благојче Дончев.

Од Општата болница во Кочани го потврдија случајот и најавија дека ќе има интерна истрага.

Донев за ТВ24 рече дека оние што му ја соопштиле веста му рекле и кој погребен оператор да го повика, но тој ги одбил и се јавил на  друг.