МВР: ЗАКАНИ ЗА БОМБИ ВО ТРГОВСКИ ЦЕНТРИ, ПОЛИЦИСКА СТАНИЦА, СТАНБЕНА ЗГРАДА И СЕДУМ СРЕДНИ УЧИЛИШТА, дојавите не престануваат
Објавено во: Македонија 09 Декември, 2022
Денеска Скопјани се соочија со нови закани за бомби. Новина е што овој пат има дојави за поставени бомби во приватни згради, во полициска станица и во неколку трговски центри во главниот град.
Секако, дојави за поставени бимби има и за средните училишта во Скопје, и тоа во седум училишта, потврдуваат од Министерство за внатрешни работи.
- Денеска (09.12.2022) околу 09.30 часот во СВР Скопје било пријавено дека на електронска адреса на седум средни училишта во Скопје е упатена закана за поставена експлозивна нaправа. Веднаш по добиената пријава, од полициски службеници се преземени мерки за безбедно евакуирање на училиштата и во тек се антитерористички проверки и се преземаат мерки за расчистување на случаите. Исто така, пријавено е дека на електронска адреса била упатена закана за поставена експлозивна направа и во ТЦ Ист Гејт, ТЦ Бисер, Транспортен центар, Флатирон и ПС Центар. Веднаш се преземени неопходните мерки за безбедно евакуирање на објектите и во тек се антитерористички проверки и се преземаат мерки за расчистување на случаите - посочуваат од МВР.