На анкета граѓаните одговорија што мислат за Преспанскиот и Договорот со Бугарија

Добивај вести на Viber

Слаба e поддршката за договорите со Грција и Бугарија, а само 38 отсто од испитаниците на анкета позитивно го оценуваат процесот на евроинтеграција. 

38,5 отсто од испитаниците го поддржуваат Договорот за пријателство и соработка со Бугарија, а 41,5 отсто Преспанскиот договор. 

Најпопуларните политичари изминатите три децении се: Борис Трајковски (42 отсто од испитаниците го оцениле со највисоката оценка 5), Киро Глигоров (33 отсто од испитаниците го оцениле со највисоката оценка 5) и Никола Кљусев (21,1 отсто од испитаниците го оцениле со највисоката оценка 5).

59,8 отсто од испитаниците го поддржуваат членството на Македонија во НАТО.

46,3 отсто од испитаниците го поддржуваат Охридскиот рамковен договор.

Испитувањето на јавното мислење беше спроведено во текот на месец август, а реализирано од Фондацијата Конрад Аденауер во соработка и Институтот за општествени истражувања „МК91“ кои ја издадоа публикацијата „30 години независност“.

Маргиналната грешка се движи помеѓу +/- 2,9% со 95% интервал на веродостојност. Анкетата е спроведена од Институтот за политички истражувања (ИПИС).

Анкетата е спроведена на 1.110 испитаници, со задржување на генералниот сооднос во поглед на базичните демографски карактеристики (пол, возраст над 18 години, етничка припадност, професија и образование), со истовремено почитување на соодветната географска балансираност.