НА ДЕНОТ НА ЗДРАВЈЕТО: Урнавме рекорд на починати од ковид19
Објавено во: Македонија 08 Април, 2021
Во Македонија, други 51 лице починаа како резултат на ковид, најмногу за еден ден од почетокот на пандемијата, соопшти Министерството за здравство.
Претходно, најголем број на смртни случаи од коронавирус за еден ден имаше на 2 април, кога починаа 50 лица, а на 9 декември минатата година 46.
Во соопштението се наведува дека во последните 24 часа биле регистрирани 1.302 нови случаи на инфекција од 4.438 тестови, односно 29,34 проценти од испитаните биле позитивни.
Досега, 4.072 лица починаа од коронавирус во Македонија, дијагностицирани се 137.728, а активни се 21.891.
Институтот за јавно здравје регистрираше дека се опоравиле уште 626 пациенти, така што вкупниот број на излекувани пациенти се зголеми на 111.765.
НА ДЕНОТ НА ЗДРАВЈЕТО: Урнавме рекорд на починати од ковид19