19 Јануари, 2020
0.0180

На ќерка ми три пати и наредиле да влезе во автомобилот - кои се двајцата што го вознемирија семејството на пратеникот

Објавено во: Македонија 13 Декември, 2019

Три пати со остар глас и наредиле да влезе во автомобилот. Девојчето се вознемирило и почнало да писка, по што за среќа, дошол нејзин роднина, од кого тие се исплашиле и побегнале. 

Вака пратеникот Сашко Костов од СДСМ за Фактор раскажува што всушност се случило пред два дена, кога двајца осумнаесетгодишници се обиделе неговото седумгодишно девојче да го натераат да влезе во нивното возило.

Кога Фактор првично утрово разговараше со Костов, тој најави дека официјално преку прес конференција ќе се обрати во Собранието, но потоа одлучи да не го стори тоа, туку да почека што ќе покаже истрагата. 

„Настанот се случил пред два дена, кога возило со странски регистарски таблички, возејќи претходно со голема брзина, застанало на тротоарот веднаш со мојата седумгодишна ќерка. Тие со остар и силен глас три пати и наредиле да влезе во возилото. Таа се вознемирила и почнала да писка. Но, за среќа тука поминал мојот вујко и им наредил да заминат, по што тие избегале“, раскажува Костов.

Дали станува збор за некаква политичка пресметка, или можеби за деловни притисоци, тој не сака да зборува, се додека не разбере кои се луѓето што тоа го направиле, и кои биле нивните мотиви.

„Не знам кои се тие луѓе. Треба прво да научам кои се луѓето, па потоа ќе можам да коментирам“, вели Костов. 

Од соопштението од полицијата може да се види дека ова дело го направиле едвај полнолетни лица. Тие биле приведени во текот на вчерашниот ден. 

„Контастирано е дека 18 годишните М.Ѓ. и И.Ј. со патничко возило БМВ, управувано од МЃ се движеле низ улиците во градот и вознимирувале граѓани. Лицата се приведени во Полициска станица-Кочани, а за случајот е известен Јавен обвинител“, соопшти полицијата.

Костов досега има работено и како обвинител, народен правобранител, адвокат и во админстрација. Досега немал никакви закани. 

Семејството, како што вели пратеникот, е вознемирено. Тој нагласува дека ништо не е како порано, а неговите три деца, од страв ноќта спиеле во ист кревет.

Можеби ќе ве интересира

Кристијан Ниноски го фати крстот во Скопје

Кристијан Ниноски го фати крстот во Скопје

(ВИДЕО) Oва е куќата во која ќе живее Атиџе во Дорфулија

(ВИДЕО) Oва е куќата во која ќе живее Атиџе во Дорфулија

Oва се среќните фаќачи на светиот крст во градовите ширум Македонија

Oва се среќните фаќачи на светиот крст во градовите ширум Македонија

Младиот Христијан Врапчески го фати крстот во Кичево

Младиот Христијан Врапчески го фати крстот во Кичево

Петар Рупески го фати крстoт во Охрид

Петар Рупески го фати крстoт во Охрид

Шекеринска: Не го креваме телефонот на судии и на обвинители да им кажеме што да прават

Шекеринска: Не го креваме телефонот на судии и на обвинители да им кажеме што да прават

Загадениот воздух го скратува векот за 25 години?

Загадениот воздух го скратува векот за 25 години?

Спасовски: Со оптимизам и добра волја секој од нас да даде придонес за заедничка подобра иднина

Спасовски: Со оптимизам и добра волја секој од нас да даде придонес за заедничка подобра иднина

Во Западна Македонија ќе паѓа снег

Во Западна Македонија ќе паѓа снег