На Љубен Арнаудов и Сашо Василевски им се намалило „богатството“
Објавено во: Македонија 15 Април, 2019
Во последните три месеци им се намалила имотната состојба за 217 илјади евра помалку на пратениците Љубен Арнаудов и Сашо Василевски, познати инаку по тоа што се исклучени од ВМРО-ДПМНЕ откако гласаа за уставните измени а во меѓувреме беа амнестирани за случајот „27 април“, вели истражувањето што го спроведе „СКУП„ во рамки на проектот ПЕП.
Пратеникот Панчо Минов на неговиот имот во вредност од 45 198 евра додал нов износ од 23 600 евра. Имото на Сурија Рашиди од 21 984 евра е дополнет со пет парцели во износ од 159 614 евра. Џеват Адеми во меѓувреме пријавил имот на своите деца како ко-сопственици на авто-школа. Вредноста на неговата актива се зголеми на 214 илјади евра.