НА ПРИНЦОТ МУ СЕ ТРЕСЕ ТРОНОТ: Кралското семејство тајно му подготвува смена
Објавено во: Свет 26 Октомври, 2018
На саудискиот престолонаследник Мухамед бин Салман би можел да биде сменет поради кризата која следи после бруталното убиство на новинарот Џамал Кашоги во саудискиот конзулат во Истанбул.
Познатиот француски медиум Фигаро објави сторија која зборува за тоа дека кралското семејство активно размислува за смена на принцот престолонаследник, додека кралството се наоѓа под најголемиот меѓународен притисок во современата историја поради убиство на новинар за кое се верува дека е убиен по налог на самиот Мухамед бин Салман.
Неименувам дипломатски извор рекол дека Советот на лојалност, државното тело задолжено за одобрување на редот на наследство на престолот, неколку пати во тајност се состанувало последните денови.
Наводно, саудискиот режим сака да го замени 33-годишниот Мухамед со неговиот помлад, многу помалку амбициозен и предвидлив брат принцот Каид бин Саламан.
Советот уште претходно го прекрши обичајното правило на наследување минатата година кога го поставија Мухамед како нов крунисан принц наместо Мухамед бин Најеф, кој бил прв во редот за престолот.
Тој рекол дека Саудијците никогаш нема да признаат вмешаноста на принцот во убиството, но тоа не значи дека тој ќе може да продолжи да владее.
„Верувам дека кралот, под претпоставка дека во еден од своите „чисти“ периоди, ќе го разреши Мухамед бин Салман, така што ќе го замени. Тој не може тоа да го направи тоа веднаш, или дури во следните неколку месеци,бидејќи би изгледало како да подлегнал под притисокот. Може да се користи советодавниот суд внатре во семејството за именување наследник. Тоа сигурно ќе го врати кредибилитетот на монархијата“, рекол Лис.
Според неговите зборовим малкумина веруваат дека Мухамед не е вмешан во ова злосторство.
„Саудиската верзија, во најмала рака е неверодостојна. Тимот кој го посети Истанбул сигурно не се туристи, а личноста која е видена дека го напушта конзулатот во облеката на Кошоги очигледно не била тој. Дури и Трамп сега признава дека ова е најлошото прикривање на сите времиња“, рекол тој.