НА СЕСТРАТА И ГО ПРЕСЕКЛЕ ВРАТОТ, РОДИТЕЛИТЕ И ПОМАЛИТЕ БРАЌА БИЛЕ ИЗБОДЕНИ И НАД 40 ПАТИ СО НОЖ: Тинејџерите Роберт и Мајкл Бевер сакале да убијат 500 луѓе, почнале со семејството
Објавено во: Свет 05 Декември, 2021
Двајцата американски тинејџери, браќата Роберт (18) и Мајкл (16) Бевер, сакале за нив да се зборува и пишува, да станат озлогласени и луѓето да се плашат од нив. Тие, точно пред шест години си поставиле цел да убијат 500 луѓе и почнале со убивање на членовите на нивните семејства. Во нивниот дом во Оклахома на 22 јули 2015 со ножеви го масакрирале целото семејство. Прва жртва била тринаесетгодишната Кристал. Откако Мајкл ја намамил својата сестра во спалната соба под изговор дека сака да и покаже нешто на компјутерот, Роберт ја фатил одзади и и го пресекол вратот. Кристал се одбранила, а тој ја прободел и во стомакот и и ги расекол рацете. Нивната мајка, Ејприл (44), слушнала метеж горе и дошла да види што се случува, но Роберт ја нападнал и ја избодел најмалку 48 пати: „Имаше повеќе рани отколку што сум видел на кое било тело“, изјавил еден од истражителите. Тешко ранетата Кристал се обидувала некако да ги заштити своите помали браќа и сестри, откако браќата продолжиле со крвавиот масакр, соба по соба. Таткото Дејвид Бевер (52) бил избоден 28 пати, а Мајкл подоцна и рекол на полицијата дека Роберт го избодел нивниот татко „со најголемиот нож што го имал“. Деветгодишниот Кристофер бил избоден 21, а четиригодишната Викторија 23 пати, од двете страни на вратот, градите, грбот и надлактицата. Даниел (12) успеал да се заклучи во собата, од каде повикал помош, но Мајкл го убедил да ја отвори вратата, преправајќи се дека Роберт го нападнал и него. Потоа момчето го прободеле 12 пати - во грбот, рамото и градите. Во тој момент Роберт ја забележал Кристал, која имала раскрвавени рани на вратот, раката и стомакот и се обидел да усмрти со задушување. И додека се подготвувал да и му ја отсече главата на двегодишното братче Отом, полицијата почнала да тропа на влезната врата. Кога пристигнале на местото на настанот, детективите забележале крв на тротоарот и скалите, а потоа слушнале како некој тивко од куќата повторува „помогни ми“. Тоа била Кристал. Тринаесетгодишното девојче некако успеало да преживее и во полиција раскажала што се случило и дека нејзините браќа го нападнале семејството. Двегодишниот Отом, кој за сето тоа време спиел на првиот кат од куќата, останал неповреден. Браќата побегнале низ задниот дел од куќата, но набрзо биле пронајдени. Роберт и Мајкл биле облеани во кал и крв, облеката им била искината, па дури изгледало дека на нив има и парчиња од телата на убиените членови на семејството. „Тие не беа вознемирени. Воопшто не беа вознемирени“, повтори полицаецот Бартон, „Тие беа речиси безобразни. Како еден од нив да се смее. И навистина, на фотографиите Роберт, за кој подоцна се дозна дека е „мозокот“ на „крвавата кампања“, се насмевна додека полицајците го фотографираа во крв, додека неговиот помлад брат Мајкл изгледаше целосно рамнодушно. Роберт му се обратил пред да го стават во полициско возило и му рекол: „Беше задоволство“. Нивната цел била да убијат најмалку 50 луѓе, а Роберт им се восхитувал на сериските убијци и сакал да убие 500 или повеќе луѓе. Видеото кое е достапно на Јутјуб го прикажува сослушувањето на Мајкл Бевер кој детално и без двоумење опишал како ги избодел своите помали браќа и сестри.