На скопските улици загина уште една жртва-ударот фатален за млад возач
Објавено во: Македонија 13 Јануари, 2018
Брзото возење при што возачите најчесто губат контрола над управувањето со возилото секојдневно зема данок на скопските патишта.
Уште еден млад живот згасна по вчерашната несреќа на скопскиот булeвар „Александар Македонски“.
Ударот во метални столбчиња, потоа во дрво и во метална кенделабра биле фатални за 36-годишен маж од Марино, додека сопатникот поминал со потешки повреди и моментално е на лекување на клиниката за трауматологија.
На местото на несреќата била потребна и интервенција на пожарникарите, додека телото на починатиот е предадено на обдукција.
Апелите за внимателност при возењето се постојани, а возачите да ја прилагодуваат брзината и да возат согласно прописите.